Санхүүгийн зохицуулах хороо, Монголын үнэт цаасны арилжаа эрхлэгчдийн холбоо /МҮЦАЭХ/-ноос үнэт цаасны зах зээлд мэргэжлийн ажил, үйлчилгээ явуулах эрх олгох сургалт 2012 оны 5 дугаар сарын 14-25-ны өдрүүдэд зохион байгуулагдана. Бүртгэл МҮЦАЭХ-ны байр /1-р төрөхийн урд талд Flamingo tower барилга, 501 тоот/-нд явагдаж байна.

Бүрдүүлэх материал:

• Өргөдөл, анкет /маягт бөглөх/
• Дипломын нотариатаар баталгаажуулсан хуулбар
• Иргэний үнэмлэхний хуулбар
• Сургалтын төлбөр болох 200, 000 төгрөгийг МҮЦАЭХолбооны Хадгаламжийн банк дахь 10210017209 тоот төгрөгийн дансанд тушаасан баримт
• Улсын тэмдэгтийн хураамж болох 33,000 төгрөгийг СЗХорооны Төрийн сан банкин дахь 900025002 тоот төгрөгийн дансанд тушаасан баримт
• 2 хувь цээж зураг /3*4 хэмжээтэй/

Жич: Эдийн засаг, санхүү, эрхзүйн чиглэлээс бусад мэргэжлээр бакалаврын зэрэг авсан иргэд үнэт цаасны зах зээлийн талаар мэдлэг олгох анхан шатны сургалтанд хамрагдсан гэрчилгээний хуулбарыг бүрдүүлэх материалд хавсаргах шаардлагатай.

Холбоо барих утас:  70123339 /МҮЦАЭХ/    www.masd.mn

2009 онд үнэт цаасны зах зээлд мэргэжлийн ажил, үйлчилгээ явуулах эрх авсан мэргэжилтнүүдийн АНХААРАЛД:

Санхүүгийн зохицуулах хороо, Монголын үнэт цаасны арилжаа эрхлэгчдийн холбоо /МҮЦАЭХ/-ноос үнэт цаасны зах зээлд ажил, үйлчилгээ явуулах мэргэжилтнийг аттестатчилах сургалт 2012 оны 5 дугаар сарын 14-ний өдрөөс эхлэх болсоныг мэдэгдье. Уг сургалтанд 2009 онд үнэт цаасны зах зээлд мэргэжлийн ажил, үйлчилгээ явуулах эрх /цаашид эрх/ авсан мэргэжилтнүүд хамрагдана.

Тус Хорооны ээлжит хуралдаан 2012 оны 04-р сарын 18-ны өдөр болж дараах асуудлыг хэлэлцэн шийдвэрлэв. Үүнд:

Нэг. Үнэт цаасны талаар:

• Хорооны 2007 оны 83 дугаар тогтоолоор батлагдсан журамд нэмэлт, өөрчлөлт оруулав.
• Үнэт цаасны арилжаа, төлбөр тооцооны “Милленниум Ай Ти” системийг нэвтрүүлэх бэлтгэл ажлын хүрээнд харилцагч, хөрөнгө оруулагчдаас үнэт цаас худалдан авахаар “ҮЦТТТХТ” ХХК-д урьдчилан байршуулсан мөнгөн хөрөнгийг харилцагч, хөрөнгө оруулагч тус бүрийн арилжааны банк дахь дансанд буцаан байршуулах арга хэмжээ авахыг “ҮЦТТТХТ” ХХК-ийн Төлөөлөн удирдах зөвлөл, “МХБ” ХК-ийн Төлөөлөн удирдах зөвлөлд үүрэг болгов.
• “Эм Эн Эс Ти Ти” ХХК, “Прогресс партнерс” ХХК-иудад брокер, дилерийн үйл ажиллагаа эрхлэх тусгай зөвшөөрөл болон “Тэнгэр капитал” ХХК-д андеррайтер, хөрөнгө оруулалтын зөвлөхийн үйл ажиллагаа эрхлэх тусгай зөвшөөрлийг нэмж тус тус олгов.
• “Э-Транс ложистик” ХК-ийн хувьцаа эзэмшигчдийн хурал хуралдуулах бүртгэлийн өдрийг тогтоов.
• “Голомт банк” ХХК, “Худалдаа хөгжлийн банк” ХХК, “Хас банк” ХХК-иудаас гадаадын хөрөнгийн бирж дээр гаргах үнэт цаасыг бүртгэв.
• “Эрээнцав” ХК-ийн энгийн хувьцааг тусгаарлалтаас чөлөөлөв.
• “Гацуурт Трейд” ХХК-ийн гүйцэтгэх захирлын албан тушаалд Ц.Хуягийг томилов.

АЛБАН ЖУРМЫН ДААТГАГЧДЫН ХОЛБОО ДАРААХ АЖЛЫН БАЙРАНД АЖИЛТАН ШАЛГАРУУЛЖ АВНА.

АЖЛЫН БАЙР:

Жолоочийн даатгалын сангийн хэлтсийн дарга:

Мэргэжил: Санхүү, эдийн засгийн чиглэлээр их дээд сургууль төгссөн.

Гүйцэтгэх ажил: Даатгалын сангийн бүрдүүлэлт, зарцуулалт, сургалт суртчилгаа, сангийн хөрөнгийн байршуулалт зэрэг ажлыг зохион байгуулах.

Мэдээллийн сангийн хэлтсийн дарга:

Мэргэжил: Мэдээллийн технологийн чиглэлээр их дээд сургууль төгссөн.

Гүйцэтгэх ажил: Даатгалын гэрээ, даатгалын тохиолдол, хохирогчид олгосон нөхөн төлбөр, даатгагч, даатгуулагч, хохирогчийн талаарх болон бусад холбогдох байгууллагын мэдээллээр мэдээллийн сангийн баазыг бүрдүүлэх, мөн харилцагч нарт энэ талын мэдээллээр шуурхай үйлчилгээ үзүүлэх.

АЖЛЫН БАЙРАНД ТАВИГДАХ ШААРДЛАГА

Удирдан зохион байгуулах чадвартай, ажлын ачаалал даах, хариуцлага өндөртэй, багаар ажиллах чадвартай, тухайн мэргэжлээрээ 10-аас доошгүй жил ажилласан туршлагатай байх, бакалавр болон түүнээс дээш зэрэгтэй, англи хэлний дундаас дээш түвшиний ярианы болон бичгийн мэдлэгтэй, мөн баримт бичиг боловсруулах өндөр чадвартай байх, төрийн байгууллага, даатгалын салбарт, мөн удирдах албан тушаалд 3-аас доошгүй жил ажиллаж байсан бол давуу тал байна.

Бүрдүүлэх материал:

Ажил горилогчийн анкет /төрийн албан хаагчийн анкетаар/, мэргэжлийн дипломын хуулбар, иргэний үнэмлэхний хуулбар, өмнө ажиллаж байсан байгууллагын тодорхойлолт

Материалыг 2012 оны 5 дугаар сарын 10-ны өдрийг дуустал хүлээж авна.

Хаяг: УБ хот Чингэлтэй дүүрэг Бага тойруу-3 ЗГ-ын 4-р байр СЗХ-ны 208 тоот, Утас 261406

УДИРДАХ ЗӨВЛӨЛ

Санхүүгийн зохицуулах хорооны орон нутгийн төлөөлөгчдийн ээлжит семинар болов

2012 оны 4 дүгээр сарын 05-06-ны өдрүүдэд Санхүүгийн зохицуулах хорооны орон нутгийн төлөөлөгчдийн ээлжит семинар амжилттай болж өндөрлөв. Уг семинарт хорооны орон нутгийн төлөөлөгчид болох аймаг, нийслэл, дүүргийн Санхүү, төрийн сангийн хэлтсийн дарга нар болон бүртгэлийн мэргэжилтэн нийт 50 гаруй хүн оролцлоо. Семинарын нээлтэнд Санхүүгийн зохицуулах хорооны дарга Д.Баярсайхан болон бусад удирдлагууд оролцон үг хэлж, орон нутаг дахь төлөөлөгч нарт санхүүгийн зах зээлийн нөхцөл байдал болон Хорооны зохицуулалтад хамаарах салбарын өнөөгийн байдал зэргээр илтгэл тавьж, хэлэлцүүлэг хийлээ.

• Үнэт цаасны зах зээл дээр мэргэжлийн ажил, үйлчилгээ явуулах эрхтэй мэргэжилтнүүдийн нэрс