БАНКНЫ РЕФОРМЫН ХҮРЭЭНД “БОГД БАНК” ХХК-ИЙН НИЙТЭД САНАЛ БОЛГОН ГАРГАХ ХУВЬЦААГ БҮРТГЭЛЭЭ

2021-11-10 05:25

Санхүүгийн зохицуулах хорооны өнөөдрийн ээлжит хуралдаанаар “Богд банк” ХХК-ийн энгийн хувьцааг нийтэд санал болгохыг зөвшөөрсөн үнэт цаасны бүртгэлд бүртгэхээр шийдвэрлэлээ.  

УИХ-аас энэ оны нэгдүгээр сарын 29-ний өдөр Банкны тухай хуульд нэмэлт, өөрчлөлт оруулах тухай хуулийг баталсан билээ. Энэхүү зохицуулалтын хүрээнд банкны системд нөлөө бүхий банк нь 2022 оны зургаадугаар сарын 30-ны өдрийн дотор нээлттэй хувьцаат компани хэлбэртэй болох, бусад банкуудад нээлттэй эсхүл хаалттай хувьцаат компани байх сонголтыг нээлттэй үлдээсэн. Үүний дагуу банкны системд нөлөө бүхий банканд хамаарахгүй хэдий ч нээлттэй хувьцаат компани болох хүсэлтийг “Богд банк” ХХК-аас гаргасан нь дээрх хуулийн нэмэлт, өөрчлөлтийн хүрээнд нийтэд үнэт цаасаа санал болгон гаргаж, олон нийтийн компани болох хүсэлтийг ирүүлсэн хамгийн анхны банк болж байна.  

Тус банкны хувьд нийт хувьцааныхаа 20 хувийг буюу 12,500,000 ширхэг хувьцааг нэг бүр нь 2,540 төгрөгөөр нийтэд санал болгох замаар нийт 31.75 тэрбум төгрөгийг татан төвлөрүүлэхээр төлөвлөсөн бөгөөд 70 хувь буюу 8,750,000 ширхэг хувьцааг стратегийн хөрөнгө оруулагчдад, 30 хувь буюу 3,750,000 ширхэг хувьцааг олон нийтэд худалдах юм.

Банкны тухай хууль тогтоомжийн хэрэгжилтийн хүрээнд банкууд нийтэд хувьцаагаа санал болгох /IPO/ ажиллагааг хэрэгжүүлснээр хөрөнгийн зах зээлийн үнэлгээ өсөж, чанартай, хөрвөх чадвар өндөр шинэ бүтээгдэхүүн, үйлчилгээний тоо нэмэгдэх, гадаад, дотоодын хөрөнгө оруулагчдын идэвх, оролцоо сайжрах, банкуудад урт хугацааны санхүүжилтийн эх үүсвэр бий болж, зээлийн гарц нэмэгдэхээс гадна олон тулгуурт санхүүгийн тогтолцоог бий болгоход чухал алхам болох юм.

АНХААРУУЛГА: Уншигчдын бичсэн сэтгэгдэлд Frc.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл (12)

Э.Бэхбат (202.126.88.138) 2021-11-15 02:41:14
Дэмжиж байна амжилт.
Gantulga (202.126.89.183) 2021-11-14 14:18:00
Хамтда өмжилт
Densmaa ШААМАНЗ (202.126.94.12) 2021-11-14 02:46:16
хувьцаа авиы
зочин (192.82.69.4) 2021-11-13 11:46:14
Арилжаанаас хасагдаад өчнөөн жил болж байгаа Батхийц,Чинбай гэхчилэн компаниудын хувьцаа гээд ёс төдий хувьцаанууд дансанд хадгалагдаад удаж байна.Үүнийг зүгээр л хадгалаад байж байх ёстой юм болов уу.СЗХ ямар нэгэн арга хэмжээ авдаггүй юмуу.Дампууруулаад хөрөнгнөөс нь зохих хувь хэмжээгээр хувьцаа эзэмшигчдэд өгдөггүй юм болов уу. Энэ талаар хариулт өгөх хүн байна уу.
Д.Энхсахан (122.201.21.146) 2021-11-12 11:01:40
Амжилт
Д.Энхсахан (122.201.21.146) 2021-11-12 11:01:39
Амжилт
(66.181.161.127) 2021-11-11 00:12:49
Амжилт хүсье. Сүүлийн үед эрч хүчтэй өсөж өргөжиж байгаа банк.
Buyan (66.181.183.94) 2021-11-10 17:21:23
Sain bank, amjilt
Buyan (66.181.183.94) 2021-11-10 17:21:23
Sain bank, amjilt
Zochin (192.82.75.26) 2021-11-10 10:11:50
Jijighen hedii ch togtvortoi usulttei, sain bank shig snagddag. Amjilt husiy. Busad tom bankuudaas turuulj IPO gargaj bgad bayar hurgey
Зочин (202.21.105.38) 2021-11-10 09:02:44
Амжилт
Дөлгөөнхэрлэн Амартайван (59.153.87.21) 2021-11-10 08:31:08
Амжилт хүсэе