ЗАЛИЛАН МЭХЛЭХ ГЭМТ ХЭРГЭЭС УРЬДЧИЛАН СЭРГИЙЛЭХ НЬ

2022-04-22 07:17

Санхүүгийн зах зээл өргөжин тэлж бүтээгдэхүүн, үйлчилгээ боловсронгуй болохын хэрээр түүнийг дагаад санхүүгийн залилан, луйврын схем, олон шатлалт санхүүгийн пирамид зэрэг механизм хувьсан өөрчлөгдөж ялган таних, тогтоон илрүүлэхэд хүндрэлтэй болж байна. Гэвч эдгээр залилангийн схемийн нийтлэг шинж нь богино хугацаанд эрсдэлгүй хөрөнгө оруулалт хийж өндөр ашиг хүртэх амлалт өгөх, гишүүнчлэлийн хэлбэрээр дороо хүн элсүүлснээр урамшлуулал авч санхүүгийн эх үүсвэр бүрдүүлэх зэрэг боломжийг олгодог. Санхүүгийн залилан, луйврын цар хүрээ өргөжин тэлэх тусам хохирогчдын тоо нэмэгдэж зөвхөн анхны цөөн тооны хөрөнгө оруулагч буюу санаачлагчид ашиг орлогыг хүртдэг тул үүнээс урьдчилан сэргийлэх, богино хугацаанд илрүүлэх, таслан зогсоох тогтолцоог бүрдүүлэх нь улс орнуудын хувьд чухал асуудал болоод байна. Сүүлийн жилүүдэд дэвшилтэт технологийн үр нөлөө уламжлалт санхүүгийн салбарт шинэчлэлтийг эхлүүлж, блокчэйн технологид суурилсан виртуал хөрөнгийн бүтээгдэхүүн, үйлчилгээ бий болсон нь манай оронд мөн адил өргөн дэлгэрч койн/токеныг хөрөнгө оруулалтын хэрэгсэл болгон ашиглаж иргэд, олон нийтээс санхүүгийн эх үүсвэрийг богино хугацаанд татах болсон. Ялангуяа орон нутгийн иргэдийн мэдээ, мэдээллээс алслагдсан байдал, санхүүгийн хүртээмж, санхүүгийн мэдлэгийн түвшин хангалтгүй зэргийг ашиглаж тэднийг татан оролцуулах, залилах тохиолдол нэмэгдсээр байна. Тухайлбал, олон улсад пирамид загвартай үйл ажиллагаа явуулдаг буюу өөрийн цахим хуудсаар дамжуулан виртуал хөрөнгийн хэтэвч нээсэн хүнд түүний оруулсан анхны хөрөнгө оруулалтаас тодорхой хувийг буцаан хэтэвчинд койн/токен хэлбэрээр байршуулж өгдөг, дороо гишүүн элсүүлэх бүртээ урамшуулал олгодог, цахим хуудсан дахь мэдээлэл нь олон хэлэнд хөрвүүлэгдсэн залилангийн шинж чанартай механизмууд гарах болсон. Эдгээр этгээд нь Санхүүгийн зохицуулах хороо /СЗХ/-ноос үйл ажиллагаа эрхлэх тусгай зөвшөөрөл авсан мэтээр иргэдийг төөрөгдүүлэх, хууран мэхлэх замаар гишүүнчлэлээ нэмэгдүүлж байна. 

Харин Виртуал хөрөнгийн үйлчилгээ үзүүлэгчийн тухай хуулийн дагуу бүртгэлийн үйл ажиллагаа энэ оны зургаадугаар сарын 26-ны өдрөөс эхлэх бөгөөд тус хуулийн 6 дугаар зүйлийн 6.1-т заасан үйл ажиллагааг эрхэлж буй, бүртгэлийн шаардлага хангасан, Монгол Улсад бүртгэлтэй компани виртуал хөрөнгийн үйлчилгээ үзүүлэгч болох боломжтой юм. Гэтэл манай улсад бий болсон нэг жишээг дурдвал Platin Coin /PLC/ нэр бүхий койноор дамжуулан СЗХ-ноос албан ёсны зөвшөөрөл авсан гэж иргэдийг итгүүлж санхүүгийн эх үүсвэр татан төвлөрүүлсэн, хүн элсүүлэх тутам урамшуулал олгож, хамгийн олон гишүүн элсүүлсэн хүн нь шатлал ахих зарчмаар явдаг схем юм. Тус Platin Coin-ийн цахим хуудас нь 18 орны хэлээр орчуулагдсан бөгөөд 2016 онд домэйн /www.platincoin.com/ нь бүртгэгджээ. Үүний дараагаар домэйныг www.plcultima.com болгон шинэчилж, үйл ажиллагаагаа явуулж эхэлсэн бөгөөд 9 орны хэлээр орчуулсны нэг нь Монгол хэл юм. Уг компанийн гүйцэтгэх захирал Алекс Рейнхардт нь өмнө нь SwissCoin буюу Platin Coin гарч ирсний дараахан дампуурсан понзи схемийн томоохон гишүүдийн нэг байсан гэж үздэг. Platin Coin нь Дубай, Швейцарь, Хонконг, Словени зэрэг дэлхий даяар тархсан олон тооны халхавч компаниудаар дамжуулан үйл ажиллагаа явуулдаг гэж хэрэглэгчид үздэг байна. Иймээс олон улсын болон зарим орны санхүүгийн зохицуулагч байгууллагаас Platin Coin, PLC Ultima нь эрсдэл өндөртэй тул хөрөнгө оруулалт хийхгүй байх, залилан мэхлэх схем байж болзошгүй учир компанийн талаарх мэдээллийг нягталж, эцсийн өмчлөгчийг тогтоох, аливаа тусгай зөвшөөрөл, бүртгэл эзэмшдэггүй тул хяналт, зохицуулалтад хамаардаггүй талаарх анхааруулга, сэрэмжлүүлгийг гаргаад байна. Мөн олон улсын  шинжээч, судлаачид, виртуал хөрөнгө сонирхогчид, хувь хүмүүс ч энэ талаар судалгаа хийж олон нийтийн сүлжээнд байршуулсан байна. 

Иймд иргэд Та бүхэн аливаа үйл ажиллагаанд оролцохдоо хүлээж болзошгүй хохирлыг бие даан хариуцахыг ухамсарлаж, холбогдох судалгаа шинжилгээ хийж, мэдээлэл цуглуулсны үндсэн дээр санхүүгийн шийдвэр гаргаж, өөрийгөө болон бусдыг залилан луйвар, санхүүгийн пирамид, эдийн засгийн гэмт хэрэгт өртөхөөс урьдчилан сэргийлнэ үү. Platin Coin, PLC Ultima-той холбоотой анхааруулга, сэрэмжлүүлэг, холбогдох бусад мэдээлэлтэй Та бүхэн доорх хаягаар орж танилцах боломжтой.

  1. https://www.financemagnates.com/cryptocurrency/regulation/germanys-bafin-warns-against-platincoin-crypto-firm/
  2. https://bitcoinexchangeguide.com/germanys-financial-authority-warns-crypto-asset-investors-against-platincoin/
  3. https://behindmlm.com/companies/swisscoin-added-to-finma-warning-list/
  4. https://ico-class-action.org/class-actions/platincoin
  5. https://behindmlm.com/mlm-reviews/platincoin-review-top-swisscoin-investor-launches-own-crypto-scam/
  6. https://myopinion.wwpa.com/post/alex-reinhardt-platincoin-scam
  7. https://behindmlm.com/mlm-reviews/platincoin-review-top-swisscoin-investor-launches-own-crypto-scam/
  8. https://ico-class-action.org/class-actions/platincoin
  9. https://lemonpress.mn/news/piramide_MGL/
АНХААРУУЛГА: Уншигчдын бичсэн сэтгэгдэлд Frc.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл (14)

Нэргүй (192.82.71.138) 2022-05-12 04:22:08
Энэ талаар төрөөс тавьж байгаа хяналт, зохицуулалт байдаг болов уу?
Нэргүй (192.82.71.138) 2022-05-12 04:21:50
Энэ талаар төрөөс тавьж байгаа хяналт, зохицуулалт байдаг болов уу?
Зундуй (202.126.89.152) 2022-04-25 07:19:56
дээрх мэдээлэл санхүүгий зохицуулах хорооны албан ёсны мэдээлэл юмуу .
Павлова (66.181.161.10) 2022-04-24 09:41:57
сайн уу мэдээл авий торхой яаж ашиглах талар
Атгагч (203.91.115.48) 2022-04-23 05:57:39
Юу үнэн PLC Ultima ханш нь 0 болох нь үнэн! Энэ бол цэвэр санхүүгийн залилан пирамид понзи схем шүү дээ!
Атгагч (203.91.115.48) 2022-04-23 05:57:38
Юу үнэн PLC Ultima ханш нь 0 болох нь үнэн! Энэ бол цэвэр санхүүгийн залилан пирамид понзи схем шүү дээ!
(202.55.188.91) 2022-04-23 04:58:11
Мэдээлэлээ үнэн зөв ул суурьтай өгөөчээ шал худ бөөрөнхий юм цагдаа хуулиа шудрага болгочоод гадаадруу ярь
Зочин (202.126.89.151) 2022-04-23 01:24:27
Битгий ийм тэнэг юм ярьж бгааг санхүүгийн зохицуулах хороонд бүртгүүлээгүй бүртгэл нь энэ оны 6 сарын 26наас хойш эхлэнэ гэнэ. Наана хууль тогтоомж чинь яагаад цаг үетэйгээ нийцэж болдоггүй юм дандаа яахаараа хойноос нь хөөж явдагийн бэ
(139.5.219.245) 2022-04-22 14:03:02
Manai ger bul nuhud bugs n zagatnaad bugs Orson doo RIP
Dolgormaa (37.167.216.30) 2022-04-22 13:46:05
Sain bnuu medee medeeleltei taniltslaa bi gaihaj bn bugd 17 18 onii medee medeelel bn bi evropod amidardag ene hun Hervee ponzi sistemeer bdag bsan bol German uls hezeech zugeer orhihguiee buleg etgeediig 1 tsagt bgaa bgaa gazart n 1 udur baridag bgaa German tsagdaa nar hahuul avch ajildaggui medee medeelelee shine heleed unen zuv medee medeelel oruulna uu.Uls eh ornii maan ner nund hariutslaggui medee oruulsan hunees bolj Mongol ulsiin tur zasag ajilaa hiij chaddaggui medee medeelelees hotsorson tsaashlaad Germanii huuli bolon tsagdaagiin ajilchidiig doromjilj bn bidnii ner turd haldaj bn gesen asuudald orh viidee gargasan fact chin hangaltgui l bn daa Uun deeree anhaarch ajilna uu . Evropod amidardagiin huvid Mongol gedeg neriig sevteej Mongol gej muu heluuleh vii gej setgel uvdug hunii huvid hellee
0 4 Хариулах
(59.153.112.32) 2022-04-22 13:46:05
Dolgormaa ta bolomjtoi bol suuliin uyiin bodit fact bukhii alban yosnii eh survaljtai yalanguya germanii medeeleliin link tavibal tanii yarij bui iluu boditoi bolokh bna
(66.181.161.86) 2022-04-22 13:46:05
Neeree oorcjlood busaad gartsan baigaa luivar shuu neeh udahgui unen buuna 0
(66.185.73.147) 2022-04-22 13:46:05
Shaaldaa Badmaa ahhahah
(66.185.73.147) 2022-04-22 13:46:05
Shaaldaa Badmaa ahhahah